楓葉墜落的延續

周杰倫 － 楓



劉耕宏 － 彩虹天堂

有時無聊睇下MV，都發現台灣MV水準好高（之前講孫燕姿 － 我懷念的時都有提過） ，有部份更係名導演拍，不論取景、故事、選角都是高質素，而且MV內容貼題，聽歌唱K時就好似睇緊一部短篇電影一樣。

以上兩個歌手，有一位係港人熟識的周杰倫，另一位劉耕宏就要多睇台灣節目才知道他是誰。呢兩首歌個MV係一個連貫故事，用幾首歌的MV故事去連貫是常見的．但出現於兩個不同歌手就第一次（個人）發現。

以前聽楓時，就相信好多人唔明佢個故事講乜，有時都要扮下才子再解下話，不過當年唔知有個延續故事，只係覺得個「楓」故事完結得突然。到近排有無聊搵下歌試聽同搵片睇時（Youtube真係他X的偉大），就發現呢個故事嘅PART2「彩虹天堂」。

最後睇返導演，原來係周董，佢唯一一套電影就係佢自導自編自演，但相信平時D MV故事都係佢編啦，因為每次出於佢導演的故事，都係女角係悲劇主角（詳見不能說的秘密及我的影評解話），雖然有時都會覺悶，下下都係咁編，不過佢又真係拍得唔差。