東京事変娯楽(バラエティ)入手

呢篇係擺明係炫耀文，因為今日已經喺信和買左台版東京事變隻碟，只係$78！比HMV賣嘅台版平21蚊，比信和日版足足平102蚊！哈哈，返到去即刻狂聽狂煲啦，聽到我都唔記得左Chris兄仲另外借左隻Garbage比我！順道仲要再串多句：「隻碟開左拎走張紙就同日版個盒一模一樣，只係底張紙用日文寫明只限韓國，台灣，香港地區發售，連歌詞都係一樣，仲要另外夾多張中文歌詞添，絕唔係夾硬換張全中文架，日文果本仲有架！哈哈，真係滿足晒！」

好啦，都係講返歌，而家基本上成隻不停loop，都唔知聽到去邊，已經變成左我電腦背景音樂一樣，唯一再次推介OSCA, SSAW, 復讐, キラーチューン, メトロ呢5首，到而家仍然係最鍾意聽メトロ，入面椎名林樆把聲好頂癮，雖然都應該有加電腦mix啦，但我特別鍾情機械聲咁，聽親呢類都覺得過癮，而且節奏算中慢版，唔錯唔錯！而今次再貼多個MV,就係Chris兄最愛一首キラーチューン(Killer Tune)！