無冬之秋

天氣話咁快就回暖返，你話反常唔反常，話正常唔正常，香港近年就係咁，要under15度嘅日子無幾多日，導致極愛冬天嘅我越嚟越唔鍾意香港嘅冬天。

可惜我唔係發左達，如果唔咪，一到冬天就去凍嘅地方過我想要嘅寒冬。就好似今年年頭我原本係去英法，最後去唔成嘅原因不外乎窮，有錢飛都無錢去食。嚟緊睇下仲有無機會啦，點都係有雪落好，凍嘅地方先係我憧憬之地。

怕且要香港凍真係有些少難啦，唔知等多幾日先有幾日凍下，所以各位唔駛慳，唔駛扮勁，一凍就準備你地櫃入面嘅中褸呀、大褸呀、頸巾等等，香港有凍嘅日子唔會長啦，有機會就慢慢享受。