破財

呢幾日真係洗左唔少錢，買game買書睇戲，好在game會有老豆同細佬夾錢，皆因佢地打得比我仲多（無聽錯，我老豆咁大個仲係機迷），之後又比新導演同埋海報吸引而睇左「野良犬」，但我都仲未寫影評。到今晚又比朋友拉去陪佢用左佢張今日就到期嘅免費戲飛（得佢免費，我係去睇佢唔駛比錢睇戲），但連睇咩戲都未決定，可能「東京鐵塔」掛。

尋日又出去買game買書，本身諗住休息下，屋企睇下書算，但無啦啦細佬又塞舊錢嚟話要買game，咁好啦，有人夾錢，反正自己想玩，最後就出左去買Assasin's Creed。咁出得去，又順便買埋書。

行左幾間樓上書店都無咩心水，最後去到榆林打左一個鐘書釘後就買左「蘇菲的世界」一冊過精裝版，盛惠$193大元。擔拖買返本睇過晒中英文版嘅愛書「生命中不能承受的輕」，因為出左新譯本（其實出左幾個月，只係之前無一次記得買）。

都唔記得原來我仲upgrade左部機，因為display卡花畫面，ram又唔夠用啦，總之係「生命中不能承受的hang」(感激Chris的爛gag)，咁樣又用左錢。