08電視革命

今年除夕，香港將會推出數碼廣播，到該時，只要有高清數碼電視或機頂盒的半數香港市民可享有該服務，同時兩大免費電視台會推出現有頻道的高清數碼版本，即平時廣大市民常看的無線翡翠台及本港台，另外兩台更會追加另外十條特別頻道，包括新聞台及多加的劇集台等，同樣以高清或標清作為廣播標準。

其實對香港市民嚟講，今次改變係幾革命性，而且更代表兩大電視台都會進入一個新領域，延續上世紀至今嘅鬥爭。無線一直以大台姿態壟斷，造成慣性收視，甚至大大影響劇集及節目質素。但在這次改革中，亞視似乎甚為有把握，推出的頻道亦較多，甚至搶先試播，看來新一篇的龍爭虎鬥會幾精彩，總好過下下大象踩死蟻。

香港的慣性收視嚴重，今次亞視的反擊只是剛開始，成果可能要於四五年後數碼廣播普及後才會顯著。

雖然我少睇電視，但都希望可以改變現狀，日日都係翡翠台真係搵鬼睇咩，播埋d老土橋段劇集，次次都一樣，只係角色名唔同，人唔同，片名唔同，真係師奶都嫌悶呀。

今日，亞洲電視搶閘試播數碼頻道，小弟就無緣一試，因為無高清電視或機頂盒，亦未聽到外間反應，不過，遲下大把機會。