天堂與地獄

不論東西方國家都有類似天堂地獄的概念，只是名字不同，形式亦有些許差異，但概念是一樣，都是兩個往生後的地方，好人就會到一個充滿光明，歡天喜地的天堂；而壞人就會被貶到一個滿目瘡痍，灰天暗地的地獄。

由此可知，天堂與地獄可能都是一種導人向善的虛構物，這一種想像最先應該是由宗教或神話開始，及後換到民間以訛傳訛下去，而天堂更被神化成永生的象徵，所以基督教中有「信者得永生」這善語。

如果由科學角度去看死後的世界，可以用聖經《創世記》中「塵歸塵，土歸土」這理論，雖然以聖經典句比喻會有反其天堂地獄概念，但最貼切莫過於此，科學一直就想引證，死後是一無所有，沒有靈魂，沒有天堂與地獄，你只會變成土壤的肥料或數十萬年後的一點石油。

信者得救，不信者呢？在此所說的是天堂地獄，並非什麼宗教，撇除一切文化隔阻及思想差異，你會怎看待天堂與地獄？一句老哲學句：「結束是新的開始」，無疑，如果死後是有一個新世界的確不錯，最少死已經沒有那種一無所有的威脅感，不論你會以什麼身份或角色重新出現於新地方。要人去相信有死後世界，其中一個目的就是叫人忘記死是痛苦的。

中國很著重輪迴這思想，亦相信有因必有果，這個似是天堂地獄的衍生物，不同的是，你有機會返回人間，而並非永遠於人間樂土或無間地獄。輪迴的概念很有趣，在你上世造的業會帶到下一世，這是有其因必有其果，你造的壞事越多，孽障就越重，除了在地獄受一切苦難外，還會受到輪迴折磨，你回到人間可能會發現自己變成一隻豬。這個概念比天堂地獄更殘忍，雖然很多人會說，我在享受這一生，談下一世與我無關，不論背負多少的惡也可。其實輪迴就一直不是想證明世間真的有輪迴，只是想說「有因必有果，惡有惡報，善有善報，若然未報，時辰未到，若然不到，家裡受到。」

曾經去構想死後的世界，想知道天堂到底會在那裡？憑自己的幻想力的想像結果，或多或少都會受到宗教或神話所薰陶。用平行空間說，如果人間界是第四次元，那麼我覺得天堂地獄同樣處於第四次元，但最後怎去區分天堂地獄就沿於死前是快樂還是痛苦，到底有沒有遺憾，這種感受最後會連同你的靈魂帶到你去這個「新」世界。快樂無憾而終會看到一片光明，有憾者則看到一片灰暗，這說法有點似鬼魂，與鬼與厲鬼差不多。

要相信有死後世界，最先要相信有靈魂，我所說的靈魂不是外間所想像的飄浮物或鬼魂，而是一種思念體，我喜歡用電腦架構去比喻它為「暫存記憶體」，不論是輪迴，又或是天堂地獄，都需要你生前記憶，這時，靈魂的作用就會顯現。我自己很喜歡這有趣論點，可能我相信有鬼魂，但更相信鬼魂就是生前留下來的思念體「靈魂」。

我一直很想寫一個故事去構造我這一切空想，一個來回死前死後的世界，不過對這方面知識貧乏，不足夠去寫一個長故事，只能作出一個類似世界構想。

又再有人問我是否很愛生與死這虛無問題，我會再答：「是，只是沒機會給我死一次。」

真三國無雙5玩後評

今年其中一隻次世代遊戲大作－真三國無雙5於上週推出，出左第二日就走左去買，盛惠450大元，對比其他XB360遊戲，真係有些少貴，不過算啦，都係買左，而且出前已發佈大量消息講明今集好多野會變，包括人設、系統、武器，當然換到新機，畫面應該都進一步提升。

今集人設方面，由有消息公佈後就好壞參半，而且更刪除部份角色，更只有17位角色有其無雙故事，現有角色有部份技能係相同，對不少人來說是失望至極。不過能理解的是，如果太做得太完美，那出新一集時就毫無新意，相信是廠商有心編排，如果仲係覺得唔甘心，係呃錢的話，咁咪唔好玩呢集囉，等下一集更完美時先玩啦，無人用刀架住你條頸叫你買。

今集除左人設外，最大轉變係攻擊模式。以前每一代都係以輕攻擊開首，重攻擊收尾，稱謂C技，會用重攻擊收尾原因係攻擊大，而且各有特色，部份角色更可以輕攻擊及C技作無限連段，不過需要技術。而今集就改成普通攻擊已經無限連段，只要不停按就不會停低出現間距，但完全沒有破防能力，要破防還是要靠重攻擊，變相攻擊變得簡單，容易上手。而每個角色除了重攻擊各有不同外，更追加兩招殺陣攻擊，出法係按著防禦，再按輕或重攻擊，感覺似是投技，會波及身邊的人，但主要仍是單體攻擊作出技技，重攻擊更無法防禦（不過電腦很會閃，會一直滾來滾去），用殺陣式殺死武將會額外多一倍功勛。這個感覺不錯，但因為要按防禦來使用，感覺整個攻擊都要停頓，無左爽快感，不過善用格檔還擊技時用這招較好，比較易中，而且快，但感覺有些少似玩緊鬼武者。

另外好多留意到今集係可以周圍跳，又可以游水，可以爬梯攻城，唔似得以前咁一定要兜個大彎，仲可以靠高低落差造成奇襲效果，呢個時候敵人係唔識攻擊，感覺似番打仗。

而畫面方面的確提升不少，當然一定唔係最好，你仍然可見唔少頭髮位係硬彬彬，不過計算過機能所知，造得太細緻會引致遊戲不順，出現窒機情況，這也情有可原，反而好多景色都做得好靚，包括水的反面，到處的梅花樹，鋪滿雪的樹等，撞上這些樹還會飄下雪或花來。但最大問題係今集個死人地圖好難睇，又細個，話就話今集係次世代，應該係for高清，正常嚟講，部電視會有咁上下大，但唔係個個人屋企部電視都鬼咁大架，莫講話高清，有部份人仲係匿喺房用佢部21吋電視打添，真係難為玩家對眼啦，而且360版本會因為使用色差線引致黑暗室內或夜間畫面更黑暗，要用HDMI線才可解決問題，呢幾樣就真係唔夠user-friendly啦。

自己唔係多時間打，就尋日終於開晒所有角色，當然包括今集改變最大嘅呂布，亦係我最期待，想知道如此反傳統嘅武器會帶嚟咩新衝擊。在使用其巨大風扇（！）（不！應該是巨型手裡劍，又或者叫兩把方天戟交叉併合使用）後，發現佢今集再唔係慢吞吞，得件大份攻擊力沿自體型嘅角色，使用兩把武器後，速度極限提升，因應今集無限連段系統，佢嘅攻擊係快得無間距，而且攻擊力及範圍仍在。在前數集，我通常都會第一時間去虎牢關挑戰呂布，因為佢強極都有方法慢慢打死佢，但今集虎牢關，我試過多次失敗後就知道佢嘅威武，所以更有感，拎到佢之後應該係一個好屈機嘅角色，果然最後無失望。不過而家，只有個人等級唔算太低，我都有方法打死虎牢關的奉先大人。



今集要我比分的話，都會有80分，話晒換晒人設，雖然玩得嘅角色唔多，但係你諗深一層，又咩game可以比咁多條友你去用，叫你去諗晒成四十幾人都幾難，雖然你可以話出得倉卒，但其實從整個系統中，都睇得出佢係有心，而且破格改變玩法係唔錯，起碼叫搵到新意，由技窮嘅4代重新殺出一條血路。

東京鐵塔下

東京鐵塔下
主唱：有耳非文
作曲：梁基爵
填詞：林日曦

踏步在休閒中午 已垂頭自命受苦
任動盪世情可惡 難受的由自己加上音符

人人亡命轉動 迷途原地轉動
無從容納理想和衝動
別被迷惑作弄 思想變作失控
志氣斷送在城中
如能隨遇轉動 如孩童在轉動
難成材但至少能起動
你有的青春 都即管推進
安心揮霍 開心放縱

但願你會如首富 亦排除病患疾苦
命運未靠誰吩咐 由上走由下走不要摻扶

人人亡命轉動 迷途原地轉動
無從容納理想和衝動
別被迷惑作弄 思想變作失控
志氣斷送在城中
如能隨遇轉動 如孩童在轉動
難成材但至少能起動
你有的青春 都即管推進
安心揮霍 開心放縱

開心分很多種 不急於心痛
天空海闊珍惜放縱



如果有聽開903，應該都成日聽到有耳非文呢首歌，初初我唔知係佢唱，都係問朋友先知。其實首歌無咩特別，唱功又唔係特別好，不過有耳非文演繹得好，又或者首歌同佢好夾啦，佢唱其他歌未必唱到呢種feel。

可能最主要係自己係聲痴（睇我講親歌都見我講下人地把聲點吸引我就知），我真係幾鍾意呢把聲。

不過細味歌詞，其實幾有意思架，只係我諗唔到同套戲有咩關係啫。

119

不能忘懷，這天。

死了一年。

哀悼了一年。

在六呎下的一年。

能在此哀悼自己是慶幸吧？

但願還有下一年的。

在此，感謝到場人士致祭。

歷史與過去

人總有很多時候想回到過去，目的都是想拿回失去的，改寫曾經發生的，又或者是想去刪除某部份可能不愉快的回憶。

雖然明知從任何智識的理解，都知道回到過去，跨越時空是不可能，甚至應該說成萬萬不可，但這一種想走回頭的思想卻仍然深存於意識中。

其實要說回到過去可能很簡單，想到的就是將時間推回之前想到的時間，將知道的一切或將會發生的一切逐一刪除，從以得到一個新的結果。但其實在刪除的過程中，往往都會增加更多可能性，你要去改寫歷史的同時，就會製造新的支線，更多的可能性，可能從撇除科學理論的問題後，要回到過去不難，但要去過去中再次預測更多的可能性就很難。

在刪除過程不製造新分支是不可能，時空是動態的，時間與空間是不可劃分成兩碼子事，在行雲流水般的情況下，任何事都有可能。

回到過去可以說成多了一個機會，但並非百份百依自己的希望去改寫，想不去重複歷史容易，要控制過去的未來就要賭，同樣地這只是一個機會，所以最後不排除你會賭輸身家，換來比原來更殘酷的事實。

不過時光機理論確實帶來很多幻想空間，從自己、城市、國家或世界的幻想改變。自己的歷史是很清楚，但世界所有歷史就很難完全掌握，如果是牽涉世界的歷史，甚至會可能出現與你所知又或者與書本所知有所不同的情形。始終世界歷史大部份都是由贏家所寫，而敗方的一切你只會看到被貶成一毛不值，贏家的一方永遠都是最華麗，而且無甚缺點。

無冬之秋

天氣話咁快就回暖返，你話反常唔反常，話正常唔正常，香港近年就係咁，要under15度嘅日子無幾多日，導致極愛冬天嘅我越嚟越唔鍾意香港嘅冬天。

可惜我唔係發左達，如果唔咪，一到冬天就去凍嘅地方過我想要嘅寒冬。就好似今年年頭我原本係去英法，最後去唔成嘅原因不外乎窮，有錢飛都無錢去食。嚟緊睇下仲有無機會啦，點都係有雪落好，凍嘅地方先係我憧憬之地。

怕且要香港凍真係有些少難啦，唔知等多幾日先有幾日凍下，所以各位唔駛慳，唔駛扮勁，一凍就準備你地櫃入面嘅中褸呀、大褸呀、頸巾等等，香港有凍嘅日子唔會長啦，有機會就慢慢享受。

減壓blog

首先先推薦一個常睇嘅Yahoo blog「那火星來的據說是空姐 」，睇個名就知佢個主人係空姐啦，講明先呀，我唔係有空姐癖先睇好幾多空姐blog架，我無制服癖好架！呢個blog何解好笑啦，都不外乎Yo小姐生動描述，加上唔同字型大小及顏色去令到某些句子更突出，而且圍繞呢位空姐嘅事的確係好搞笑，所以我都絕對有理由相信佢係火星嚟嘅！特別以一個空姐生活背後原來係「超低能，勁搞笑」時，果份違和感係最令人發笑，佢亦寫得好有心，我就真係唔會每幾行字就轉下色轉下字啦。

可惜呀，Yahoo blog唔接受外來留言，我無辦法去回應下佢呢份幽默。真係話時話，家下咩年代，Yahoo仲咁固步自封，而家咩blog host都可以有外來留言，甚至匿名留言啦，佢唔係諗住咁樣會多些少人用佢個blog嘛。

之後仲有個Sina blog「無聊的分享」係可以絕對減壓，佢個blog主係絕少寫自己野，基本上成個網都係笑話，不論陳年老笑話，創作笑話又或者冷笑話，當然有部份唔多唔少係似曾相識，但有時睇下D笑話真係幾輕鬆架。如果有部份笑話係真係blog主自己創作的話，我相信佢係幾有創意同十分風趣嘅一個人。

呢兩個blog我幾乎日日去，「無聊的分享」就差不多日日更新，日日有得笑，而「那火星來的據說是空姐」就要睇佢有無飛啦，無飛的話，兩三日都會更新一次。

P.S.如果ah-yo嚟到，我想講句：「我好鍾意你中秋個大燈籠呀，唔知你有無更加驕傲呢？」，哈哈！