4男1女

真係幾難想像5P大混戰，仲要只係14-17歲嘅學生，相信大家都知我講緊邊單新聞啦，雖然無話特別驚訝，但係真係幾難以置信，我仲諗返我之前中二做緊咩？係咪而家個個對性個觀念開放成咁。

其實香港人對性都唔係話特別開放，但係點解大部份未夠16歲都已經有性經驗？好多時絕可能係人有我有、人搞我搞呢種錯誤觀念，例如A女生同B女生講:
”哇，我尋晚又同邊個邊個搞野啦！”之後B就答:
"唔係嘛，仲同佢搞，我換左啦，尋晚先識就同佢搞左幾獲啦！”
就係呢種有如軍備競賽嘅心態，咩都鬥一餐，好容易造成惡性循環。

而家呢個世代，相信已經好少人再討論婚前性行為，事實真係無咩可能到結婚果日仲係處子之身。當然我一直都覺得婚前性行為係正常，性有時係必需，係一種調和，但我唔覺得係一種玩樂，亦非一種濫情行為。其實要教育新一代，事實唔可以再用以前一套，唔通仲同佢地講婚前性行為？佢地睬你都硬膠啦！唔係話去遷就附和，而係呢種知識確實陳舊，已經無用，實際係要配合新生代嘅思想，如果唔咪一直無人好好教的話，真係好難再想像數年或數十年後嘅香港。

當然教唔教得聽已經係一個問題，但連教都唔好好教就已經係老一輩問題！點解我話香港未完全對性開放呢？就係因為老一輩有部份都好逃避性方面嘅問題，大佬呀，而家科技發達，你就算去逃避，上網都一樣有大把牽涉性嘅野，但好多都係負面教學，咁你話驚唔驚呀？等於你寧願個仔去學賣老翻都唔話佢知老翻係錯。真係夠啦，香港人，幾時先有人真真正正反思，而唔係永遠事後先走出黎評審或關注。