71遊行慶回歸

回歸十年，最值得去嘅慶祝活動當然係遊行，今年如常只有我一個人去，原本都幾擔心會落雨，不過似落又似唔想落，最後都唔理得佢咁多，反正我點都行晒佢。今年人其實唔多，估佢4萬人左右，但氣氛真係幾唔錯，基本口號都係以爭取普選為主，當然亦多左唔少唔同嘅聲音，不論教協、社工界及婦女界等...

其實真係唔驚唔覺已經十年，相信繼續無普選我都會繼續行落去，當然我唔希望廿年後活動都係遊行，我只寄望真真正有民主，已經唔再去追究過往一切，64係會繼續銘記，但如果無普選，可能遲下連去記念嘅機會都唔會再有，我真係想知而家嘅人係咪真係覺得生活咁好，係咪真係已經滿足？無人覺得呢十年嘅繁榮只係商家與官僚造出嚟嘅假象？香港事實唔會沉到死城咁，但時間飛逝，金總會挖完，遲早都係中國嘅世界，到時無民主的話仲有自由可言嗎，我唔敢擔保，但亦有可能我睇唔到呢一刻就死咗，而家所造嘅一切只希望可以令下一代過得好些少，香港人，如果仲有力氣，大家請繼續支持民主活動。

最後希望大家做一個捍衛民主嘅公民，請登記做選民。
選民登記