維港海底商店街計劃

其實呢個只係我多年前諗落嘅，並唔係真係政府計劃，但一直以來我都覺得可行性甚高，相信亦有其他無聊人都有諗過以行人海底商店街橫跨維港。

首先，香港人已經算地少人多，可再發展的商業地段不多，每次要興建新大型商場都要在新填海地或舊區重建，而且每個商場都是毫無特式，一貫大鋪進駐在內，除了外型及規格上的少許變動外，其實全都是一個倒模。第二，雖然要往來港島及九龍的途徑已經有好幾種，但都是以交通工具代步，要真正以步行走過就唯有你是隧道工作人員才有機會。

地下商店街在日本十分流行，通常都係於必經及多人路段興建，以單路兩旁店舖設計，行人都會經過每個店舖，無需兜兜轉轉走來走去找舖頭。如果於香港的海底進行此設計，情況亦一樣，更可以獲得多一種過海路線，相信有不少慳錢一族可能每天上班都會以這路線橫跨維港，甚至可能進一步舒緩路面交通。在內除了購物外，亦可興建不少食肆，繼而成為新一個特別遊覽點，雖然海底隧道造價高昂，但基於以上原因及論點，我相信長遠利益應該不少。

不過問題亦有，就例如走火通道問題，可能要設立多一至兩條管道疏散而要增加成本，而行人海底隧道的空氣調節系統亦係價格高昂。在外，雖然隧道不能飽覽維港景色，但或多或少都可能對小輪日常業務構成影響。

不過一切純為概念構想，要實現的話，單憑口講無用，我的聲音亦不夠響，可能亦有更多問題缺點等等係我無諗到，不過只係去想像一下都夠有趣。