Hong Kong is raped

前幾日10歲強姦單新聞真係夠晒觸目驚心，雖然最後證實愛害者係完壁無缺，應該未被硬物所襲。但幾名被告嘅出發點同所做嘅行為已經夠令人髮指。

近日香港不斷發生牽涉倫理案件，可見年輕一代已經逐漸敗壞，小朋友亦比以往早熟，所以14歲以下未能達成性行為呢個觀念及法例好應該要改，唔係話下下都要用阻嚇性質去維護，其實只係想真真正正保護到下一代，我就真係唔想見到風化案嘅被告只係一個十來歲嘅細路仔。

現今科技發達，小朋友要接觸性確實比以前易左，而且個個老豆老母都係搏命做，根本無時間教仔，大家都可以睇到而家d小朋友真係無咩教養，我成日都講，無本事教就咪生，我諗而家香港真係唔係有無本事嘅問題，而係有無時間教都成問題，再咁落去，香港社會問題真係只會越黎越嚴重，當然可以話香港係大城市，係一個現代社會，地方亦唔係大，好多問題要解決可能係比較容易，但同時有幾多人真係可以隨時放低工作，同時可以兼顧家庭，就因為太過現實，咩都係錢先搞到咁，你可以話我都係活於香港，但我唔想下下都要咁媚俗。