07香港樂壇

本身我算少聽廣東歌，但都叫有留意下，睇返今年樂壇真係靜到爆，用一潭死水嚟形容真係夠晒貼切，今年好多大牌歌手都仲未有新碟出，反而D妹妹仔都叫有碟出下呃下無知少男錢。唔通真係賣碟太唔好賺？唔係仲賴死老翻呀嘛？影響就有，不過我相信不肖廣東歌嘅人會比較多。

成日都見到有人討論點救香港樂壇，每次聽到嘅答案不外乎無得救同唔知點救，雖然個答案係敷衍亦膚淺，但相信亦係事實，香港人本身就好少為自己所創作嘅一切感到光榮，永遠都係已針對嘲諷行先，就算真係好，都會覺得隔嚟飯香D，真係莫講話本身作品好唔好啦（其實真係好多好差），就咁呢種心態都害死唔少本地創作。玩非主流音樂，你鐵定無錢賺，就算有人欣賞都好，叫好就不等於叫座，香港咁鬼死商業，你玩POP都未必有錢賺呀，仲講理想？你要諗頭定枕頭呀？理想無得當飯食，唔駛訓街算你好彩，所以連理想都係有錢人玩意。