直至死亡將我們分開

呢個名真係好詩意，根本就係結婚嘅誓言(Until death do us part)，不過呢個同時係一本新出漫畫作品名，當初睇時係睇日文版，日文版個名係死がふたりを分かつまで，照字面譯係至死不渝，如果照字面譯真係幾老土，最後中文版個名竟改左為直至死亡將我們分開。

當初接觸這漫畫，都以為係言情系列，甚至少女系，但估都估唔到係科幻劇情系（諗起最終兵器彼女，科幻系嘅名，悲劇式愛情故事），我初初都係比佢些少誇張嘅科技同故事吸引，之後睇睇下畫家Double-s嘅畫又真係幾靚，雖然好明顯一定電腦畫（而家無咩人用紙筆啦），但確實無走樣，打鬥場面流暢，分鏡清楚又唔亂。應該係繼逃出地下鐵後，近期我最鍾意嘅新作品。
近期推介：直至死亡將我們分開，逃出地下鐵，絕望先生，彼岸島（並非新作）


版頭彩畫真係更靚