REBUILD OF EVANGELION: You are (not) alone

長命話題作Evangelion將於今夏再推出劇場版(呃錢版)，據消息得知頭５話會重畫，機設及顏色亦有少許改變，目的未知，可能又係Gainax為左配合各大模型商推出新模型或figures繼續呃錢，不過就永遠有如我呢類人甘願受騙。

EVA唔驚唔覺已經有十二年歷史，當年的迴響至今仍裴聲流傳，係高達以外名聲最響動畫。最得人心的應該係其帶有少量宗教色彩劇本及宏大的世界觀，引起唔少觀眾討論至今。多得庵野秀明諗到發神經（事實上，佢之前患有精神病，揣測係因為寫EVA劇本帶來的影響），經過佢唔少Research，加上佢嘅創意，先綜合成呢個偉大概念。從大量細節位都睇得出佢用心同埋熱誠，亦考慮到好多科學概念現實化的可能性。最後加上種種難以理解的謎團，就使大眾津津樂道十幾年，當然亦多得唔少兩位令人充滿暇想（？）的女角，由呢兩位女角嘅副產品長出長有長賣，就睇得出有幾受歡迎，真係唔買件求珍藏，都要買件保平安。

今年套呃錢版，如無意外香港未必有緣立即睇到，唯有求百老匯電影中心求電影節能普渡眾生買入播放，否則各位就等碟罷啦（邪道的網上字幕組快則都要幾個月）。

P.S.我都係覺得Rei唱嘅Fly me to the moon比較好，果種憂鬱感總比宇多的誇張來得好，更配合呢套神作。