製作波斯王子的公司Ubisoft的最新遊戲，已經到手了一周，由於它的出現，我已經放棄與各三國名將爭鬥，只剩下家父繼續力戰。我就一直專心但進度緩慢的享受這新遊戲。
本身我係受朋友影響先買呢隻game，所以是試玩後才入手，一買就停唔到手。不過我打機鍾意慢慢來，唔想太快完結，所以專心完成所有主線及支線任務，務求完全爆機！最衰係隻game無字幕，好多時根本唔知佢講咩，加上有部份英文配合中東口音，
根本就無咩可能聽明晒。據我所知個故事係圍繞一個刺客組織於十字軍東征時(11X年)點去阻止戰爭發生，以殺死所有與戰爭有關人士而換來和平。
相信好多人玩時都唔明點解會有現代情節，而個現代中所控制的角色又同個刺客差不多樣，令人十分費解。其實個故事並非時空穿梭，而係講述有一個博士發現DNA中係有上代及數代前的記憶，而被捉返來的人就是11XX年中那位最強刺客Altair的後代，該博士想從其記憶中得到研究成果，所以捉左佢返嚟去找尋前代記憶，而記憶中，你會與前代的記憶重疊，你會看到當年的一切，會發生什麼事就由玩家控制。
我玩嘅係XB360版，沒有PS3版中的bug!
所以毫不擔心hang機跳來跳去，玩到似個free-runner多過似刺客，雖然我經常刺殺平民（奸笑！）。Game入面雖然你係一個刺客，但其實你可以玩到好明目張膽，拎起把刀就同d士兵死過，所以話佢係中東版MGS，就不如話佢係中東版波斯王子，而且同波斯王子一樣可以左跳右跳，攀牆，飛身躍下等高難度動作（我相信主角係奧運十項全能選手!!!）。
有人覺得隻game難度剛剛好，但其實都算偏低（我認我打呢類遊戲特強），因為你刺殺時比人發現最多明刀明槍死過，唔似得有部份遊戲會即時gameover，變成難度唔高，但自由度加大。
講起自由度，隻game最好係大部份任務無限時間，你可以去幫下平民，去偷下野，殺下士兵，執下旗仔拎成就績分等，所以你可以事無忌憚做你好人或壞人，鍾意的話可以到處旅遊，欣賞遊戲中的風景（佢好多場景做得好靚，畫面我亦比9分），可以話一遊戲多娛樂。
外間比呢隻game評分都係9分以上，以我會比9.5分，扣左果0.5就係因為無字幕，容易令人打到睡著。而今次只係Assassin's Creed首部曲，嚟緊仲會有續集，總數係三部曲，應該會越來越多新元素！唔想錯過今年的好遊戲的話，呢隻會係首選。
Gameplay畫面
遊戲片頭動畫
沒有留言:
發佈留言