人心難測

講起死亡筆記，就諗起當年幾鍾意睇第一部時，睇兩位主角鬥智鬥力鬥餐死，大家估下大家下一步會做咩，之後就玩計中計或將計就計，其實睇就幾好睇，但現實中，你覺得真的有可能嗎？

任你怎樣了解一個人，你都不是他的一部份，你無可能去算盡一切，例如，諸葛亮今次想用火計，之後賈詡又估諸葛亮今次會玩火計，之後諸葛亮又可能諗賈詡可能估到今次玩火計，之後就轉用空城計，之後賈詡又估諸葛亮可能估到佢知佢玩火計，會轉用其他計，之後云云．．．

就好似漫畫「火鳳燎原」咁，講到個個都靠估，但又次次知道要估到邊一步要停，你話有幾難？就算用埋統計學去計算每個人做出每件事的機率，都無可能係有100％，雖然大部份人係以線性思考，都是規律的，但要影響一件事的事及人都可能好多，由多線性組成的，在此情況下，所有野都無辦法百份百準確預測。

人本身就是複雜，如果你了解一個人，你可能仲可以預測到對方的一切。如果是不認識的人（情形有如夜神月及L），你要推測時，就要靠經驗及閱人數目，你認識的人與多，代表你知道的性格及人格越多，你可以推測出更多可能性，但同時，你要處理一大堆人的性格及行為時，就好難避免出現錯誤，呢D已經唔係話講個人夠唔夠冷靜，直情係靠埋彩數，真係靠估。股票都叫有數有據你睇，唔係話真係靠估，但人真係只係一堆數字嗎？