警告：內含劇透
終於今日睇左色戒，由好早未宣傳時已經話第一日要去睇，但最後都因為工事忙碌而拖到今日先睇。不過各位，唔好意思啦，我非以獵奇心態去睇，我唔會講各男仕所關心嘅湯唯身材，亦唔會講各女仕關心嘅梁朝偉下體金庫。
成套戲李安都拍得幾實際，你唔會見到藝術片經常出現嘅鏡頭把戲，又或者花巧場面，總之你落足心機睇就應該會明。先講李安，我最主要係因為佢先睇，所以都幾期待。係人都知李安執著，你睇呢套戲時就更能體會到佢想表達出果種完美，唔止對演員同劇本嘅要求，你就咁單單睇佢所有擺設同場景就知佢做左唔知幾多research，歷史背景要知唔難呀，但係佢就細微到每個人係點行點走，點講野，生活習慣都跟到足當時背景，而且場景都真係好似回溯到以前一樣，你會見到有部從未見過嘅舊電車，見到以前尖沙咀海傍，又會見到上海嘅繁華大城市風貌同埋橫街窄巷貧窮一面嘅強烈對比，又會望到成間屋入面好似放滿古董一樣，感覺真係好似由李安拎部時光機帶你去到當年，絕對唔係電視城九流廠景可比，真係齋睇呢part都知佢係好嚴謹認真。性愛場面方面係比我想像中多，我真係相信李安係覺得有需要先拍，各位睇時就會睇得出係不穢不淫，由鏡頭郁頭到梁朝偉與湯唯嘅交纏都係好有美感同動感，加上佢地係交足戲，唔係四仔咁一路死un，兩位都叫表現到果一刻心情同埋想交代嘅一切。不過，如果真係就位就真係辛苦左D啦，十幾廿款唔同體位，仲勁過玩花式，梁朝偉都係男人呀，生理反應實有喎，無格仔真係唔知佢點就啦，好有可能係縛實佢小弟弟，點都好，我都替佢．．．．．弟弟可憐。
以三位主要角色嚟講，梁朝偉係真係做得最好，佢個角色係好演而且最出，但係本身角色心情描述得好複雜，佢又無話要你睇到感動，但就一定記得佢每個表情動作，你會好易投入到佢個角色，最深刻唔係一幕，而係佢慢慢融入湯唯個陷阱（完全相信及愛上佢）嘅變化，我真係信佢話自己演到就精神崩潰。至於湯唯就有少少失望啦，佢真係有些少浮誇，佢由表面到內歛果下收放真係唔夠老成，但係只係期望過高，又或者梁朝偉太搶，基本上佢都真係演得好，最起碼佢演活到個角色。最後就係完全無期待過嘅王力宏，佢就正如我所「期待」一樣，無咩演技，始終佢係演唔慣戲，唔同唱歌呀，做戲真係考起佢啦，好彩佢個角色性格幾襯佢，如果唔咪仲大獲！佢而家已經將「戒」代表善嘅一邊演到邪邪地，感覺好似佢推湯唯落火坑一樣，表情交唔足功課，內心戲亦未夠經驗。
其實當初唔知點解套戲叫色戒，根據外間及王力宏專訪解釋，「色」係代表梁朝偉，「戒」係代表王力宏。到睇完套戲我先知有另一個意思，係咩就自己睇啦，好字面架咋。而色戒兩個字就有如善惡一樣對立，呢種對立關係其實出現好幾次，就好似湯唯最後嘅選擇係代表感性，而梁朝偉最後選擇係代表理性，睇完結局一刻真係幾感觸，我自己係理性，但我係梁朝偉的話，我寧願變成湯唯。
最後個結局其實無咩驚喜，都可以估到，但果一段真係唔可以錯過，淨係睇演技都夠，總之由入珠寶行開始就一定落足精神啦。本應可以有更多野想講，但唔想洩露太多啦，自己去睇啦，看倌們。
2007-09-28
面具
路太遠 試試兜圈 望更遠 智慧的開端
沿途或虧損 傷心會遠 心愛需要挑選
若怕痛 試試婉轉 並永記 愛侶鋪的磚
從前是相戀 現在計算
為何明明共聚 問候沒半句 太過心酸
＊曾挽手避開幾多次雨水 仍記得那天掌心印在這裡
熱情漸褪去 才明瞭全是沒有火花的允許
若說穿 其實當初不登對 流盡多少的眼淚
活得幾歲 若必須面對 面具掩飾空虛＊
在這晚 約了一餐 望兩眼 慣性的餐單 然後望清水 靜默以對
為何明明共聚 問候沒半句 太過唏噓
Repeat＊
Wo... 會習慣以一世相許
無論曾避開幾多次雨水 還承認幸福根本不在這裡
任全部過去 來重頭尋覓最愛 讓痴心寄居
若說穿 其實不捨得失去 才學懂分開去睡
活於堡壘 命注定的一對 最後各有所取
近日每日必聽的一首廣東歌，本身我幾鍾意王菀之把聲，都會有留意下有咩新歌。雖然首歌半新不舊，但都仲未聽厭，自己個人又幾鍾意面具呢個topic，可能自己都知自己一直帶住好幾個面具做人，唯一只有傷心一面係留比自己，最想去掩飾，可能好多唔知情嘅人永遠覺得我算係瀟洒，好似好多野好快無事，甚至唔再提，有時仲會扮失憶，其實呢一部份算係自己選擇逃避，同樣帶住一個笑面迎人嘅面具，就算唔笑，但最起碼都唔想比人見到自己個憂鬱樣，我唔係怕人同情，而係無必要要人去承受，甚至共同分享果種氣氛，香港對我嚟講已經係淒涼地，好多人真係有苦自己知，每個人又揹得幾多呀，我真係信香港人十個有七個人有情緒病，得閒留意每個人收工個面口就知啦。
「命注定的一對 最後各有所取」
其實唔係各有所取，只係無法承擔。
2007-09-26
M型社會
大家都應該聽過由日本趨勢學家大前研一建立的新名詞「M型社會」，意思從字面去睇大概都會明，主要係指社會極端發展而產生出斷層，在缺乏中產的社會就稱為M型社會。
幾年前，日本經濟陷入崩潰，出現了富者越富、貧者更貧的局面，而原本應有嘅中產階層就變得越嚟越少，喺呢種唔健康嘅發展下，經濟一落千丈，市民生活變得更艱辛，消費力更逐漸下降。到近年，呢個新興名詞活躍於港台兩地，原因同當年日本一樣，唯一不同的是，日台兩地都有大量政策去應對，只剩香港繼續做佢嘅鴕鳥，乜都扮唔知。
不過我今次最主要想講唔係經濟，而係整個社會型態，就好似青少年問題、品格或人際關係等，就好似近年港女與港男嘅鬥爭開始白熱化，大家都以極端態度去力數對方，不論大家係唔係對方所講嘅港男或港女，點都插左先算，係咪社會太自由或互聯網嘅強大而引致自我權力過剩，大家都變得太自私？就連傳媒界都變得愛理不理，繼續鼓吹呢種對立。
到幾個月前，我返過小學母校睇數學比賽，觀戰後我真係啞晒，我雖然最憎讀數，但以前比賽時，最多只會搶得唔夠人快，但一定無錯，亦都無而家D小朋友諗咁鬼耐。到之後就同返以前教過我嘅老師傾下呢個問題，佢都話而家小朋友好難教，一係聰明得滯，一係蠢到連26個英文字母都唔記得(記住係5年班學生)，學校又唔俾搞小班或精英教學，搞到聰明嘅人都要比蠢果堆拖住，最後一拍兩散。聽完之後真係擰晒頭，心諗：「我諗真係唔應該生細路仔。」
其實好難理解點解會有呢種現象，以上都只係少部份例子，大家有時留意下，而家真係好多野只有黑白一樣，灰色就差不多搵唔到，唔好話再有其他顏色啦。就算只係經濟變成M型，都叫有方法救，但而家睇住個香港一年比一年差，真係好難想像數十年後。
幾年前，日本經濟陷入崩潰，出現了富者越富、貧者更貧的局面，而原本應有嘅中產階層就變得越嚟越少，喺呢種唔健康嘅發展下，經濟一落千丈，市民生活變得更艱辛，消費力更逐漸下降。到近年，呢個新興名詞活躍於港台兩地，原因同當年日本一樣，唯一不同的是，日台兩地都有大量政策去應對，只剩香港繼續做佢嘅鴕鳥，乜都扮唔知。
不過我今次最主要想講唔係經濟，而係整個社會型態，就好似青少年問題、品格或人際關係等，就好似近年港女與港男嘅鬥爭開始白熱化，大家都以極端態度去力數對方，不論大家係唔係對方所講嘅港男或港女，點都插左先算，係咪社會太自由或互聯網嘅強大而引致自我權力過剩，大家都變得太自私？就連傳媒界都變得愛理不理，繼續鼓吹呢種對立。
到幾個月前，我返過小學母校睇數學比賽，觀戰後我真係啞晒，我雖然最憎讀數，但以前比賽時，最多只會搶得唔夠人快，但一定無錯，亦都無而家D小朋友諗咁鬼耐。到之後就同返以前教過我嘅老師傾下呢個問題，佢都話而家小朋友好難教，一係聰明得滯，一係蠢到連26個英文字母都唔記得(記住係5年班學生)，學校又唔俾搞小班或精英教學，搞到聰明嘅人都要比蠢果堆拖住，最後一拍兩散。聽完之後真係擰晒頭，心諗：「我諗真係唔應該生細路仔。」
其實好難理解點解會有呢種現象，以上都只係少部份例子，大家有時留意下，而家真係好多野只有黑白一樣，灰色就差不多搵唔到，唔好話再有其他顏色啦。就算只係經濟變成M型，都叫有方法救，但而家睇住個香港一年比一年差，真係好難想像數十年後。
雲端的嫦娥
秋風起，月亮圓。又到了最接近嫦娥的一天，可惜天公不造美，將她囚於雲中，就這樣就錯過了最近距離偷窺嫦娥的機會，只能輕嘆一聲「吾與月無緣也！」
由唔知幾多年前就開始，一到中秋就會落雨，唔理幾大或幾細雨，最起碼都叫做難左清晰地望到個大月光，雖然只係圓些少，無話特別吸引，但都要應下節，做下呢D傳統活動，咬住個甜到嘔嘅月餅去昅下個嫦娥。係就係掃興，不過落雨都幾浪漫嘅，仲要涼涼地，總好過熱到中暑。
其實我聽日仲要返工，我根本無出去，而且今年係五年來再次自己一個過，咁就隨佢啦，索性一個人屋企過（屋企真係得我一個！）但最痛苦嘅係，我仲有一星期先有假放，大大話話，已經四十日無休息啦，離我極限仲有廿日，真係有錢都無命享啦。唉，今晚總係特別多氣嘆。
由唔知幾多年前就開始，一到中秋就會落雨，唔理幾大或幾細雨，最起碼都叫做難左清晰地望到個大月光，雖然只係圓些少，無話特別吸引，但都要應下節，做下呢D傳統活動，咬住個甜到嘔嘅月餅去昅下個嫦娥。係就係掃興，不過落雨都幾浪漫嘅，仲要涼涼地，總好過熱到中暑。
其實我聽日仲要返工，我根本無出去，而且今年係五年來再次自己一個過，咁就隨佢啦，索性一個人屋企過（屋企真係得我一個！）但最痛苦嘅係，我仲有一星期先有假放，大大話話，已經四十日無休息啦，離我極限仲有廿日，真係有錢都無命享啦。唉，今晚總係特別多氣嘆。
2007-09-25
警世廣告
唔知各位有無睇開電視？我自己就無啦，不過就咁岩今日下午嘆緊下午茶時，就望到有個政府宣傳片廣告幾觸動到我。
之前我未睇過呢個廣告，但據朋友所講，呢個廣告係新拍，訊息係叫人唔好超速駕駛。先睇到個廣告，點都唔似政府宣傳片，起碼佢唔係寫晒字幕，有晒標題，係以一個故事短片作為整段宣傳片嘅骨幹。一開首，就見到類似第一身拍緊人嘅短片，影住一個新居入伙嘅女人，而拍片人就係佢老公，廣告短片中兩人都似拍緊劇咁，交足功課有表情有對白，感覺好似日常生活一樣，似係一段溫馨家庭video。之後鏡頭一轉就望到個男人自己望住部電視睇返呢段video，好快旁白應景彈出。
「ｘ先生於ｘ月ｘ日超速駕駛發生車禍，其妻子昏迷之今。」
隨住呢句旁白，標題出晒嚟叫人唔好超速駕駛。當我睇完後，即刻覺得呢個廣告好掂，我直情有些少寒。呢種負面帶出訊息手法雖然唔係第一次用，但係呢個真係好生活化，而且短片就講到明比你聽「如果你愛你身邊所愛，就應該安全駕駛。」只係唔再係呢種沉悶標題或故事。當然你可以話我知你好憎你老婆或女朋友，你甚至想佢死添，但認真諗下，人地都係想話你知「命係得一條，你死你事，唔好累人！」
睇完呢個廣告，我又諗起日前炒果架法拉利，我覺得條友係慘，但真係唔值得可憐，最值得可憐係佢家人。仲要佢之前炒過一次，只係死唔去，咁樣佢都唔識醒，明知炒親大獲，死係應該，執返條命叫好彩，無人叫你揸咁快嘛！佢呢個教訓係大左D，但正好警惕一下各位駕駛人士。
P.S.有呢段廣告嘅朋友，麻煩你Upload一下上youtube再send比我呀。
之前我未睇過呢個廣告，但據朋友所講，呢個廣告係新拍，訊息係叫人唔好超速駕駛。先睇到個廣告，點都唔似政府宣傳片，起碼佢唔係寫晒字幕，有晒標題，係以一個故事短片作為整段宣傳片嘅骨幹。一開首，就見到類似第一身拍緊人嘅短片，影住一個新居入伙嘅女人，而拍片人就係佢老公，廣告短片中兩人都似拍緊劇咁，交足功課有表情有對白，感覺好似日常生活一樣，似係一段溫馨家庭video。之後鏡頭一轉就望到個男人自己望住部電視睇返呢段video，好快旁白應景彈出。
「ｘ先生於ｘ月ｘ日超速駕駛發生車禍，其妻子昏迷之今。」
隨住呢句旁白，標題出晒嚟叫人唔好超速駕駛。當我睇完後，即刻覺得呢個廣告好掂，我直情有些少寒。呢種負面帶出訊息手法雖然唔係第一次用，但係呢個真係好生活化，而且短片就講到明比你聽「如果你愛你身邊所愛，就應該安全駕駛。」只係唔再係呢種沉悶標題或故事。當然你可以話我知你好憎你老婆或女朋友，你甚至想佢死添，但認真諗下，人地都係想話你知「命係得一條，你死你事，唔好累人！」
睇完呢個廣告，我又諗起日前炒果架法拉利，我覺得條友係慘，但真係唔值得可憐，最值得可憐係佢家人。仲要佢之前炒過一次，只係死唔去，咁樣佢都唔識醒，明知炒親大獲，死係應該，執返條命叫好彩，無人叫你揸咁快嘛！佢呢個教訓係大左D，但正好警惕一下各位駕駛人士。
P.S.有呢段廣告嘅朋友，麻煩你Upload一下上youtube再send比我呀。
2007-09-23
Paul Potts
近期呢位人兄真係紅爆，連我都比佢把聲吸引到，姑勿論佢個樣，只係計佢把聲都夠晒無瑕可擊。前排佢終於出左碟，都係唱opera。我有位朋友經我推介後再試聽埋就即時買左，我諗我都逃唔過架啦，都係要買埋碟先夠過癮，果日只係唔想再喺HMV買碟先費事買，次次HMV買真係幾貴嘛，之前買薩頂頂隻「萬物生」足足貴十蚊有多，幾乎買十隻就蝕一隻，我荷包唔係咁漲咋。
2007-09-22
英雄概念
人類是萬物之靈，一定是地球中智慧最高生物。在這同一個天空下，都是佈滿弱肉強食或爾虞我詐，而次等動物們可能只會弱肉強食，不論是同類的爭鬥還是種種動物間的殺戮，同樣地看到生存的殘忍。
次等動物中，很少會運用到智慧，不太多需要暗鬥，要生存就要明爭，這一種原始的生存方式，人類也曾經經歷過，只是智慧成長的驅使下，就變成了更多元化的鬥爭，可能不再是個人或一個部落的鬥爭，而是換成了一支軍隊或數個國家，而在這些大戰中，都會出現一些英雄。這些被稱為英雄的人物多是一個以一敵百的姿態出現，絕大部份有扭轉局勢的能力。在次等動物中，這些英雄不常見，雖然卡通中常有這種動物，但誤導居多，而我亦相信最先有這英雄概念的動物應該就是人類，可能是因為人類的凝聚力都需要一個成功的領袖，不過依我之見，我通常會再把英雄與領導者分開，就於動物中可能都會有英雄，但沒有領導者，就因為領導者通常都是智慧型，在欠缺高等智慧的情況下，根本不需要凝聚力或任何精神支柱。
要由我去再分別領導者與英雄的話，我會再說英雄都是會衝鋒陷陣，不排除他們沒有智計，但最少都是好勇鬥狠，都是以原始方式解決一切。而領導者就是一個統率者，行軍遣將，要洞悉敵方，再唯才是用，如果換成階級觀念，可以說成「戰場上可以沒英雄，但不能沒領導者；有英雄的戰場就有領導者，而英雄就是在領導者之下。」如果根據三國正史，關羽就是英雄，曹操就是領導者了。
有時想像次等動物與人類對調的話，這世界會變成怎樣，如果有造物主，那為何會賜給人類最高智慧，而不是其他呢？如果世界無神，無造物主，那麼又是什麼驅使人類演化成今天的智慧生命體。我記得自己曾經說過，如果有神給我願望，我第一時間就是想知道這一切的答案。
次等動物中，很少會運用到智慧，不太多需要暗鬥，要生存就要明爭，這一種原始的生存方式，人類也曾經經歷過，只是智慧成長的驅使下，就變成了更多元化的鬥爭，可能不再是個人或一個部落的鬥爭，而是換成了一支軍隊或數個國家，而在這些大戰中，都會出現一些英雄。這些被稱為英雄的人物多是一個以一敵百的姿態出現，絕大部份有扭轉局勢的能力。在次等動物中，這些英雄不常見，雖然卡通中常有這種動物，但誤導居多，而我亦相信最先有這英雄概念的動物應該就是人類，可能是因為人類的凝聚力都需要一個成功的領袖，不過依我之見，我通常會再把英雄與領導者分開，就於動物中可能都會有英雄，但沒有領導者，就因為領導者通常都是智慧型，在欠缺高等智慧的情況下，根本不需要凝聚力或任何精神支柱。
要由我去再分別領導者與英雄的話，我會再說英雄都是會衝鋒陷陣，不排除他們沒有智計，但最少都是好勇鬥狠，都是以原始方式解決一切。而領導者就是一個統率者，行軍遣將，要洞悉敵方，再唯才是用，如果換成階級觀念，可以說成「戰場上可以沒英雄，但不能沒領導者；有英雄的戰場就有領導者，而英雄就是在領導者之下。」如果根據三國正史，關羽就是英雄，曹操就是領導者了。
有時想像次等動物與人類對調的話，這世界會變成怎樣，如果有造物主，那為何會賜給人類最高智慧，而不是其他呢？如果世界無神，無造物主，那麼又是什麼驅使人類演化成今天的智慧生命體。我記得自己曾經說過，如果有神給我願望，我第一時間就是想知道這一切的答案。
2007-09-20
戀愛寫真
我又係專登唔用「籍著寫真說愛你」呢個名，港版個名比我感覺實在太爛，改名嘅人唔好咁懶好嗎？下下都用呢類名，初初上時我真係唔知就係原著「戀愛寫真」。
尋晚雖然攰，但最後都選擇左去睇呢套戲，可能近來對攝影幾有興趣，而咁岩就有套提到講攝影嘅片，所以就仆到去睇，另外一個原因不外乎係女，不過唔係同女睇，係為左女主角宮崎葵。雖然攰，但我都睇得好專注，睇完後真係聽埋大塚愛首主題曲先走，不過當我諗點形容套戲時真係無頭緒，到我想寫影評時就R晒頭，可能呢類中庸作品真係唔知點寫好，話晒爛片都可以勁鬧勁嘈，好片就有大把野可以形容，卡拉中間位嘅戲真係唔知點去講好。
整體呢套戲個故事好公式化，只係佢又係用好輕描淡寫手法去拍，同「太陽之歌」有些少似，不過於鏡頭運用比前者更好，雖則我之前已盛讚過「太陽之歌」嘅拍攝手法，但呢套更出色，可能玩鏡都係日本仔強項啦。而戲入面D景亦好靚，雖然呢類景日本四處可見，有河有湖有樹林咁，但係可能身處石屎森林關係，我就覺得呢D景係罕有而且脫俗，入面真係影到好似佢英文戲名一樣「天堂的森林」。
眾角色中，無乜邊個特別出色，係宮崎葵個角色有些少難度，但相信同佢本人有些少相似嘅關係，佢演得駕輕就熟，應該係套戲入面最好嘅一個。而男主角玉木宏，我不嬲覺得佢木口木面，真係得個靚仔，但呢套比佢當時同期電視劇「交響情人夢」叫做演得比較好，最少佢呢套做得自然得多，我真係有些少懷疑佢係唔識演笑片，要佢笑得好開懷可能會攞左佢條命，不過算啦，佢今次算係咁，我對佢無太大要求，甚至我本身對呢套要求唔係太多，只係有種一定要睇嘅衝動，我都唔知係為攝影定為左宮崎葵。
P.S.宮崎葵唔係靚，但我真係幾鍾意佢呢類女仔，有些少傻傻地咁，眼大大，得得意意，笑起上嚟好甜，好似好乖清純咁，可惜啦，人地嫁人，我地無緣啦，葵。
尋晚雖然攰，但最後都選擇左去睇呢套戲，可能近來對攝影幾有興趣，而咁岩就有套提到講攝影嘅片，所以就仆到去睇，另外一個原因不外乎係女，不過唔係同女睇，係為左女主角宮崎葵。雖然攰，但我都睇得好專注，睇完後真係聽埋大塚愛首主題曲先走，不過當我諗點形容套戲時真係無頭緒，到我想寫影評時就R晒頭，可能呢類中庸作品真係唔知點寫好，話晒爛片都可以勁鬧勁嘈，好片就有大把野可以形容，卡拉中間位嘅戲真係唔知點去講好。
整體呢套戲個故事好公式化，只係佢又係用好輕描淡寫手法去拍，同「太陽之歌」有些少似，不過於鏡頭運用比前者更好，雖則我之前已盛讚過「太陽之歌」嘅拍攝手法，但呢套更出色，可能玩鏡都係日本仔強項啦。而戲入面D景亦好靚，雖然呢類景日本四處可見，有河有湖有樹林咁，但係可能身處石屎森林關係，我就覺得呢D景係罕有而且脫俗，入面真係影到好似佢英文戲名一樣「天堂的森林」。
眾角色中，無乜邊個特別出色，係宮崎葵個角色有些少難度，但相信同佢本人有些少相似嘅關係，佢演得駕輕就熟，應該係套戲入面最好嘅一個。而男主角玉木宏，我不嬲覺得佢木口木面，真係得個靚仔，但呢套比佢當時同期電視劇「交響情人夢」叫做演得比較好，最少佢呢套做得自然得多，我真係有些少懷疑佢係唔識演笑片，要佢笑得好開懷可能會攞左佢條命，不過算啦，佢今次算係咁，我對佢無太大要求，甚至我本身對呢套要求唔係太多，只係有種一定要睇嘅衝動，我都唔知係為攝影定為左宮崎葵。
P.S.宮崎葵唔係靚，但我真係幾鍾意佢呢類女仔，有些少傻傻地咁，眼大大，得得意意，笑起上嚟好甜，好似好乖清純咁，可惜啦，人地嫁人，我地無緣啦，葵。
2007-09-18
少女．熱褲．小背心
根據返香港暖化程度，應該好快無冬天，日日都係30度以上，到果陣時，相信一街都係賣夏季服裝，但最緊要係，各位靚女們應該會越著越少。
每日於灣仔區，都會見到不少妙齡少女著得鬼咁少布，大部份都係背心仔加條小熱褲，閚下眼中十個有八個都係咁著，唔知仲以為係制服嚟！當然我唔介意，甚至會望多兩眼，由下至上掃到去到個樣。就因為我係先睇腳嘅關係，有唔少時候都會有些少驚嚇結果。問心講句，你唔靚我唔會介意，你年紀大，我都唔mind，不過你唔好著成咁呀，自己幾多斤兩自己知，等於我都唔會去著大部份陳冠希示範緊嘅野，我自問我無佢咁靚仔，我carry唔起喎。
我唔係想惹起咩筆戰或意見大戰，都係有果句講果句啫，我唔行到你面前講句bad taste已經好俾面啦，不過老實話，家下好多妹妹仔真係都識打扮左，反而係真係好耐未見過好有自己style嘅男仔，可能呢d始終係日本仔強項，香港人都係鍾意跟風多啦。
每日於灣仔區，都會見到不少妙齡少女著得鬼咁少布，大部份都係背心仔加條小熱褲，閚下眼中十個有八個都係咁著，唔知仲以為係制服嚟！當然我唔介意，甚至會望多兩眼，由下至上掃到去到個樣。就因為我係先睇腳嘅關係，有唔少時候都會有些少驚嚇結果。問心講句，你唔靚我唔會介意，你年紀大，我都唔mind，不過你唔好著成咁呀，自己幾多斤兩自己知，等於我都唔會去著大部份陳冠希示範緊嘅野，我自問我無佢咁靚仔，我carry唔起喎。
我唔係想惹起咩筆戰或意見大戰，都係有果句講果句啫，我唔行到你面前講句bad taste已經好俾面啦，不過老實話，家下好多妹妹仔真係都識打扮左，反而係真係好耐未見過好有自己style嘅男仔，可能呢d始終係日本仔強項，香港人都係鍾意跟風多啦。
2007-09-16
2007-09-15
iPod touch
Youtube終於有試玩片啦，基本上真係同iPhone好似，你拎起扮打電話的話，真係呃到人。
Spec，介紹等等都免啦，反正有心留意嘅朋友可能比我更清楚，不過我對apple呢件新搞作興趣其實不大。首先我自己已經唔會用iPod，主要原因係基於音質唔夠好，我寧願放棄外表，要返把靚聲。第二，遲下都有iPhone啦，仲袋咁多野出街？而且將multi touch技術運用落iPod真係多餘，型就型啦，但其他用途我真係諗唔到啦，咁我不如等出部iPhone，價錢差唔多，係memory少d啫，但起碼電話實用d呀嘛。
2007-09-14
現代吸血鬼
今日奇聞特別多，但最奇應該係仁濟醫院血液樣本被偷事件。我今朝於收音機聽完單新聞都打左個突！心諗：「唔係嘛，血都有人偷，仲要飲埋佢，唔通佢係尹天照？」
整件事過程無人親眼目擊，只係被閉路電視拍低，內容係見到有個男人偷左3個血液樣本，大啖大啖飲晒佢。家下人就捉左啦，據報佢係受到酒精影響，但其他動機仲未公佈，真係就連我都想訪問下呢位阿生：「請問你為咩偷血飲呢，係咪為左以形補形？定係口渴得滯無水飲呀？」我點都諗唔到佢會點答，希望佢唔好答我以為果杯係Bloody Mary，仲要飲一杯唔夠，要飲到第三杯先知原來飲錯野呀！唔理佢比咩理由，我都想接住問佢飲完有咩感受，有無覺得特別生津解渴，飲完有無肚屙呀呢類問題！但願佢唔好飲到杯有愛滋或者肝炎啦，如果唔咪，呢杯一定係最貴嘅紅酒。
我聽呢單新聞前，一直以為呢d係電視電影橋段，真係無諗過有人走去偷血飲，仲要做戲都話係因為吸血鬼先偷血飲啫，怕且都先捉捉呢條友去研究一下，睇下係咪真係有吸血鬼先，最好擺到佢去中秋，話唔定月圓時識變狼呀！
由呢件事睇到香港醫院真係無咩保安可言，唔好話呢類係個別事件啦，你有閉路，就有人睇住個mon架啦，定係保安員以為果度影住間bar呀?唔通d人唔知血好矜貴，就算只係驗病樣本都唔係話抽就抽，更莫講話捐比人果d血包啦！你無諗過有人偷血飲，都有諗過有人偷血掛！
整件事過程無人親眼目擊，只係被閉路電視拍低，內容係見到有個男人偷左3個血液樣本，大啖大啖飲晒佢。家下人就捉左啦，據報佢係受到酒精影響，但其他動機仲未公佈，真係就連我都想訪問下呢位阿生：「請問你為咩偷血飲呢，係咪為左以形補形？定係口渴得滯無水飲呀？」我點都諗唔到佢會點答，希望佢唔好答我以為果杯係Bloody Mary，仲要飲一杯唔夠，要飲到第三杯先知原來飲錯野呀！唔理佢比咩理由，我都想接住問佢飲完有咩感受，有無覺得特別生津解渴，飲完有無肚屙呀呢類問題！但願佢唔好飲到杯有愛滋或者肝炎啦，如果唔咪，呢杯一定係最貴嘅紅酒。
我聽呢單新聞前，一直以為呢d係電視電影橋段，真係無諗過有人走去偷血飲，仲要做戲都話係因為吸血鬼先偷血飲啫，怕且都先捉捉呢條友去研究一下，睇下係咪真係有吸血鬼先，最好擺到佢去中秋，話唔定月圓時識變狼呀！
由呢件事睇到香港醫院真係無咩保安可言，唔好話呢類係個別事件啦，你有閉路，就有人睇住個mon架啦，定係保安員以為果度影住間bar呀?唔通d人唔知血好矜貴，就算只係驗病樣本都唔係話抽就抽，更莫講話捐比人果d血包啦！你無諗過有人偷血飲，都有諗過有人偷血掛！
2007-09-13
風中殘燭
在閉上棺木的一刻，才真正意識到自己已經死去，棺木磨擦發出的唧唧聲是我聽過的最後樂章，這種刺耳聲令我難以安睡。在這黑暗的房間中，躺在這睡床上，令我感到有點安慰，似是感覺到自己的離開是一種喜悅，而並非哀傷。但誰會感受到我這一刻的喜悅？我能想像大家都在哭崩了臉，把沙撤在我這密封的房間上，每個人的臉都在告訴我「離開不是為了下一次重遇」。
身體越來越輕，已不能貼在床上，慢慢地飄了出來。原來死去就是這麼一回事，世上似乎真的有鬼魂，可惜我不能再證明這個事實了，要不然我應該能得個兩三個獎項或榮譽吧。離開了六呎下的房間，走到我的喪禮現場，每張熟識的臉逐漸離去，我嘗試走到每個人的面前，看到每張臉都是在哭，唯一沒有哭的，只有朋友帶來的小孩，可能這小孩還不知道這是一場喪禮吧，但也好，終於找到一個是帶著笑臉的。
大家都似乎看不到鬼魂，任我怎呼叫，他們還是頭也不回的離開，開始感到有點寂寞了，這個世界變成我孤身一人，之前感到的喜悅慢慢變成一種負擔，就在我剛想哭的一刻，我看到了，看到了比我先離開世界的每位，老朋友們都來迎接我了，原來離開真的是為了下一次的重遇。
身體越來越輕，已不能貼在床上，慢慢地飄了出來。原來死去就是這麼一回事，世上似乎真的有鬼魂，可惜我不能再證明這個事實了，要不然我應該能得個兩三個獎項或榮譽吧。離開了六呎下的房間，走到我的喪禮現場，每張熟識的臉逐漸離去，我嘗試走到每個人的面前，看到每張臉都是在哭，唯一沒有哭的，只有朋友帶來的小孩，可能這小孩還不知道這是一場喪禮吧，但也好，終於找到一個是帶著笑臉的。
大家都似乎看不到鬼魂，任我怎呼叫，他們還是頭也不回的離開，開始感到有點寂寞了，這個世界變成我孤身一人，之前感到的喜悅慢慢變成一種負擔，就在我剛想哭的一刻，我看到了，看到了比我先離開世界的每位，老朋友們都來迎接我了，原來離開真的是為了下一次的重遇。
2007-09-12
又見陳四萬
日前，陳太終於宣佈，以獨立候選人身份競逐港島區補選，被喻為香港良心嘅佢終於都係上場。有人認為係泛民的陰謀，更有人認為陳太係姣婆守唔到寡，覺得佢都係要出嚟搞下事先安落。
宏觀成件事，由葉太放風稱可能參加競選開始，直到而家陳太落實參與，都有些少似一台大戲，不過唔多似做比我地呢D小市民睇，感覺又係將整件事更政治化，令親中黨攻其不備，不論你係小市民，甚至係各級官員，都想大家留意到一樣。就算競選未完，就已經有多項推測，包括加快普選時間表，向中央施壓，甚至連陳太都客氣講句：「我只想令中央唔好咁驚我，搞好些少關係！」，到最後乜野葫蘆賣咩藥就當然唔知啦，報紙咁寫就咁睇。
不過，今次陳太「復出」，最難做會唔會係當奴呢？如果陳太當選，佢會點面對呢位成為下屬嘅前任阿頭呢？陳太又會唔會毫不留情繼續施壓呢？泛民方面，已表態全力支持陳太，更落實行動宣佈甘乃威退選以證明呢次幫到盡，民主黨更協助其洗樓助選等活動。不過我就咁睇啦，古有「蜀中無大將，廖化當先鋒」，但而家就「蜀中無大將，劉備當先鋒」，咁快就要出動皇牌，泛民係咪真係咁缺才呀？定係驚左葉太呢？唉．．．香港民主前途突然感到一片暗淡。
宏觀成件事，由葉太放風稱可能參加競選開始，直到而家陳太落實參與，都有些少似一台大戲，不過唔多似做比我地呢D小市民睇，感覺又係將整件事更政治化，令親中黨攻其不備，不論你係小市民，甚至係各級官員，都想大家留意到一樣。就算競選未完，就已經有多項推測，包括加快普選時間表，向中央施壓，甚至連陳太都客氣講句：「我只想令中央唔好咁驚我，搞好些少關係！」，到最後乜野葫蘆賣咩藥就當然唔知啦，報紙咁寫就咁睇。
不過，今次陳太「復出」，最難做會唔會係當奴呢？如果陳太當選，佢會點面對呢位成為下屬嘅前任阿頭呢？陳太又會唔會毫不留情繼續施壓呢？泛民方面，已表態全力支持陳太，更落實行動宣佈甘乃威退選以證明呢次幫到盡，民主黨更協助其洗樓助選等活動。不過我就咁睇啦，古有「蜀中無大將，廖化當先鋒」，但而家就「蜀中無大將，劉備當先鋒」，咁快就要出動皇牌，泛民係咪真係咁缺才呀？定係驚左葉太呢？唉．．．香港民主前途突然感到一片暗淡。
2007-09-11
2007-09-09
故事題材
其實近日係比較忙，所以都算少左更新，不過想寫嘅野其實堆積如山，腦中無時無刻都諗「呀，今晚咁寫好無呢？今晚寫邊樣先好呢？」，之後腦海中就不斷浮現出文字。
由我開始寫呢個blog時，就一直計劃去寫一個長篇小說故事，初初都諗左唔少題材，亦問過唔少意見，而自己以前都叫寫過下長篇故事，雖然事隔多年，但仍然相信自己有信心寫落去。頭一個月，曾經試過起初稿，但唔係太滿意，最後放棄左。可能係因為一貫原則，我堅持嘅，並非單單要自己風格，而係一定要創新，最起碼內容唔係常見，又或者充滿幻想性而無抄襲嘅原創故事，但總係未諗到，甚至單單連寫咩類型都諗過好幾次。根據朋友意見，我係應該寫懸疑類或牽涉大量心理層面嘅推理故事，但自己近年已好少睇呢類書，怕自己handle唔到，最怕係寫到個殼，但係描述唔夠精細，咁就無謂寫出嚟獻世啦。到前一排，終於決定寫較為年青嘅劍與魔法或超幻想世界故事，雖知未必可吸引全年齡讀者，但係應該可以滿足到自己滿腦嘅幻想力，我都真係希望可以寫出個感染到讀者去覺得「係喎，呢個世界可能真係咁！」嘅故事。
可惜，近日較忙，要落筆真係有點兒難，而且每日都有更多諗頭，可能真係唔落左手先真係好難定落嚟，睇怕我一到得閒就會著手去寫，希望各位有緣觀看此blog嘅讀者到時俾下面，睇下評論下。
由我開始寫呢個blog時，就一直計劃去寫一個長篇小說故事，初初都諗左唔少題材，亦問過唔少意見，而自己以前都叫寫過下長篇故事，雖然事隔多年，但仍然相信自己有信心寫落去。頭一個月，曾經試過起初稿，但唔係太滿意，最後放棄左。可能係因為一貫原則，我堅持嘅，並非單單要自己風格，而係一定要創新，最起碼內容唔係常見，又或者充滿幻想性而無抄襲嘅原創故事，但總係未諗到，甚至單單連寫咩類型都諗過好幾次。根據朋友意見，我係應該寫懸疑類或牽涉大量心理層面嘅推理故事，但自己近年已好少睇呢類書，怕自己handle唔到，最怕係寫到個殼，但係描述唔夠精細，咁就無謂寫出嚟獻世啦。到前一排，終於決定寫較為年青嘅劍與魔法或超幻想世界故事，雖知未必可吸引全年齡讀者，但係應該可以滿足到自己滿腦嘅幻想力，我都真係希望可以寫出個感染到讀者去覺得「係喎，呢個世界可能真係咁！」嘅故事。
可惜，近日較忙，要落筆真係有點兒難，而且每日都有更多諗頭，可能真係唔落左手先真係好難定落嚟，睇怕我一到得閒就會著手去寫，希望各位有緣觀看此blog嘅讀者到時俾下面，睇下評論下。
2007-09-05
不老的傳說
公司有位女同事W小姐，算是其中一個比較熟絡的一位，何解會比較熟絡，最主要原因都係因為佢看來係年青一代，仲係玩下蒲下，同一般廿幾歲女仔無咩分別。但由多年前認識她時，已知道她育有女兒，在20多歲便結婚了，不過當初並不知道她的年齡，更莫說她女兒的年齡。
直到兩年前，在傾談中，她提及她的女兒已在讀書，當初我怎去想都認為是小學，但她竟然說：「我個女升中三啦，唔知揀咩科好呢？」果一刻我完全忽略左佢個問題，呆左一呆，再望多望佢一次！真係心諗「唔係嘛？點睇你都係廿幾歲，最多廿到炆啦！」我當時無答佢個問題，好直接問左個女人禁忌。
「W小姐，其實你幾歲？」
「你個衰仔想知嚟做咩呀，我結左婚啦，有老公啦！」
「我知我知！我都係問下者，唔想答就算啦。」
「其實我3X啦，個女都咁大啦，時間真係快！都見左你好幾年啦。」
仲以為世界以化妝品為皇道，化下妝就可以後生些少，但以W小姐的淡妝，點睇都唔似有咁嘅神奇功效！當然我無再問任何關於呢個問題的一切，但其實我真係好想問佢：「你一日食幾多包防腐劑先可以咁青春？」
其實近嚟，開始都睇得出佢係老左啦，叫做似返個30歲，但仍然同實際年齡絕對有出入，可能係防腐劑都過埋期，但佢仍然未到期！而佢都可能意識到自己無咁多青春啦，近來打扮，髮型比之前更後生，到我再望望佢個女張相，真係話兩姊妹都一定有人信呀。
望一望鏡，照下自己個衰相，見到自己鬚根多左，但個樣唔知點解都後生左，連身邊朋友都話：
「哇，你唔係打羊胎素嘛，好似比之前後生左喎！」
「係呀，我錢多得滯咪打兩野囉，後生到入馬會都比人查身分證呀！」
好老實，我都唔知點解，仲記得以前搵工時同人講自己幾歲一定無人信，總會加多句：「先生，真係你本人呀？你點睇都唔似咁後生啦。」而家我都想回番所有人一句：「我只係無老過者，我嘅青春已經停留左果一刻啦。」
直到兩年前，在傾談中，她提及她的女兒已在讀書，當初我怎去想都認為是小學，但她竟然說：「我個女升中三啦，唔知揀咩科好呢？」果一刻我完全忽略左佢個問題，呆左一呆，再望多望佢一次！真係心諗「唔係嘛？點睇你都係廿幾歲，最多廿到炆啦！」我當時無答佢個問題，好直接問左個女人禁忌。
「W小姐，其實你幾歲？」
「你個衰仔想知嚟做咩呀，我結左婚啦，有老公啦！」
「我知我知！我都係問下者，唔想答就算啦。」
「其實我3X啦，個女都咁大啦，時間真係快！都見左你好幾年啦。」
仲以為世界以化妝品為皇道，化下妝就可以後生些少，但以W小姐的淡妝，點睇都唔似有咁嘅神奇功效！當然我無再問任何關於呢個問題的一切，但其實我真係好想問佢：「你一日食幾多包防腐劑先可以咁青春？」
其實近嚟，開始都睇得出佢係老左啦，叫做似返個30歲，但仍然同實際年齡絕對有出入，可能係防腐劑都過埋期，但佢仍然未到期！而佢都可能意識到自己無咁多青春啦，近來打扮，髮型比之前更後生，到我再望望佢個女張相，真係話兩姊妹都一定有人信呀。
望一望鏡，照下自己個衰相，見到自己鬚根多左，但個樣唔知點解都後生左，連身邊朋友都話：
「哇，你唔係打羊胎素嘛，好似比之前後生左喎！」
「係呀，我錢多得滯咪打兩野囉，後生到入馬會都比人查身分證呀！」
好老實，我都唔知點解，仲記得以前搵工時同人講自己幾歲一定無人信，總會加多句：「先生，真係你本人呀？你點睇都唔似咁後生啦。」而家我都想回番所有人一句：「我只係無老過者，我嘅青春已經停留左果一刻啦。」
2007-09-03
維港上空的曇花
昨日，全球最大型的客機A380再次來港，更於今早於維港上空低飛橫越，飛行高度比四百多米的國金仲低，雖然我並非飛機迷，但這難得一見的情景係不容錯過（其實我真係諗過佢撞落國金，咁我就會第一時間睇到呢個壯觀場面，但如果係真，都唔知係驚定喜啦），而且小弟於灣仔區工作，離碼頭甚近，所以今早上班前就相約兩位同事同行到灣仔碼頭觀賞這可貴的一刻。
在八點前，我地三條友已去到碼頭邊的天橋上，當時四周駐足的人群不少，多是慕名而來，相信亦夾雜唔少阿叔阿嬸見人多就以為有錢派而擁來。就在八時零五分左右，見到相機佬舉晒機就知機到，抬頭一望，就見到部巨無霸飛過，我真係電話都拎唔切去影就好快飛過左，望住佢飛向柴灣方向，周圍D人繼續遙望，又「哇哇哇」咁聲，而當中十個有九個都係講「哇，乜真係咁鬼死大部！好近呀！」。直至見唔到部機，所有人都各散東西，所有人就一邊行一邊繼續討論。
其實討論咩呀，好多人都見過飛機於市區飛到咁低，以前啟德時代，九龍城頭頂永遠鬼殺咁嘈，抬頭一望就見到飛機肚，果種近真係好似摸到咁。以前有時都會去望兩望，更上過果頭D樓嘅天台近距離接觸，呢種經歷到而家都好難忘，因為當年未坐過飛機，所以對飛機好有幻想，成日諗，點解一舊鐵可以飛上天呢，等於細個唔明點解一舊鐵可以浮於水上一樣。
A380飛過的一刻真係好曇花一現，同時諗起啟德時代，頭頂有飛機飛過的一剎那，更遺憾係我未試過喺啟德坐飛機離港或抵港。如果大家想懷念下啟德或睇下部Big Mac，聽朝仲有機會。
在八點前，我地三條友已去到碼頭邊的天橋上，當時四周駐足的人群不少，多是慕名而來，相信亦夾雜唔少阿叔阿嬸見人多就以為有錢派而擁來。就在八時零五分左右，見到相機佬舉晒機就知機到，抬頭一望，就見到部巨無霸飛過，我真係電話都拎唔切去影就好快飛過左，望住佢飛向柴灣方向，周圍D人繼續遙望，又「哇哇哇」咁聲，而當中十個有九個都係講「哇，乜真係咁鬼死大部！好近呀！」。直至見唔到部機，所有人都各散東西，所有人就一邊行一邊繼續討論。
其實討論咩呀，好多人都見過飛機於市區飛到咁低，以前啟德時代，九龍城頭頂永遠鬼殺咁嘈，抬頭一望就見到飛機肚，果種近真係好似摸到咁。以前有時都會去望兩望，更上過果頭D樓嘅天台近距離接觸，呢種經歷到而家都好難忘，因為當年未坐過飛機，所以對飛機好有幻想，成日諗，點解一舊鐵可以飛上天呢，等於細個唔明點解一舊鐵可以浮於水上一樣。
A380飛過的一刻真係好曇花一現，同時諗起啟德時代，頭頂有飛機飛過的一剎那，更遺憾係我未試過喺啟德坐飛機離港或抵港。如果大家想懷念下啟德或睇下部Big Mac，聽朝仲有機會。
2007-09-01
上帝的天秤
我不信有神，更不信有造物主，對我來說，宇宙一切都是建立於理智上。但我不會反對別人信神，始終這是一種信仰，又可能是一種寄託，有些人會當成一種心靈上的慰籍。因為讀教會學校的關係，自小都算有看過聖經，當時的我會當這是一本厚如字典而且沉悶的小說，看過就算，從不放在心上。
由始至終，我不是反神，反基督，只是如果世界是公平的話，我會相信有神。就於數天前的車途上，有一位弱智人仕自己一人上車回家，他是那種很明顯會造成騷擾的那種弱智人仕，就在車程中，他不斷向他人要錢，不斷伸手向車上的乘客騷擾，當中亦包括我。眾人看到他的舉動都回避萬分，甚至出言辱罵，當他向我伸手領錢時，我沒有給他錢，只是望著他，兩眼對望，看到他就覺得他很可憐，是於出生那天已背負這種命運嗎？每次看到他這種受盡歧視的一群時，就會再次想起到底是造物主的不公平，還是教會中人所講的考驗？突然間，又想起要求安樂死的斌仔，他曾經是一個獲得公平的正常人，就於一次意外就確確實實的剝奪他的人生，天秤就在那時完全傾向於不幸，到了現在，他只求一死，但也被社會所謂的倫理所折磨，一個人的生死從來不是決定於自己嗎？如果可以由別人去操縱，他還是斌仔嗎？世界是沒有如果，你不能想像你會一日之間變成一個殘廢，但如果世界真的如上帝所說的公平，這應該不算是輕生吧？如果公平是從生命中找到，斌仔的身體能找到公義嗎？這一堆問題再次出現我的腦海，我很難想像自己會成為一個教徒，再次去找上帝所說的公平。
雖說生老病死是一個大自然的循環，這是自然界的公平，但最會思考的人類就不斷剝奪公平，部份人甚至口口聲聲說上帝對所有人都是公平。對不起，我不信神，只信自己，公平是由我去找，不會求一個捨棄世人的父親。
由始至終，我不是反神，反基督，只是如果世界是公平的話，我會相信有神。就於數天前的車途上，有一位弱智人仕自己一人上車回家，他是那種很明顯會造成騷擾的那種弱智人仕，就在車程中，他不斷向他人要錢，不斷伸手向車上的乘客騷擾，當中亦包括我。眾人看到他的舉動都回避萬分，甚至出言辱罵，當他向我伸手領錢時，我沒有給他錢，只是望著他，兩眼對望，看到他就覺得他很可憐，是於出生那天已背負這種命運嗎？每次看到他這種受盡歧視的一群時，就會再次想起到底是造物主的不公平，還是教會中人所講的考驗？突然間，又想起要求安樂死的斌仔，他曾經是一個獲得公平的正常人，就於一次意外就確確實實的剝奪他的人生，天秤就在那時完全傾向於不幸，到了現在，他只求一死，但也被社會所謂的倫理所折磨，一個人的生死從來不是決定於自己嗎？如果可以由別人去操縱，他還是斌仔嗎？世界是沒有如果，你不能想像你會一日之間變成一個殘廢，但如果世界真的如上帝所說的公平，這應該不算是輕生吧？如果公平是從生命中找到，斌仔的身體能找到公義嗎？這一堆問題再次出現我的腦海，我很難想像自己會成為一個教徒，再次去找上帝所說的公平。
雖說生老病死是一個大自然的循環，這是自然界的公平，但最會思考的人類就不斷剝奪公平，部份人甚至口口聲聲說上帝對所有人都是公平。對不起，我不信神，只信自己，公平是由我去找，不會求一個捨棄世人的父親。
訂閱：
文章 (Atom)